ب 1

اردو_لغت سے
:چھلانگ بطرف رہنمائی, تلاش

اینڈرائیڈ اپلیکیشن اردو انسئیکلوپیڈیا کی اینڈرائیڈ اپلیکشن کا اجراء کر دیا گیا ہے۔ ڈاؤنلوڈ کرنے کے لیے ابھی کلک کریں۔

Urdu Encyclopedia on Google Android

اردو
اردو نستعلیق رسم الخط میں
برصغیر پاک و ہند کے اکثر علاقوں میں بولی اور سمجھی جانے والی زبان جس کے لغات میں پراکرت نیز غیر پراکرت، دیسی لفظوں کے ساتھ ساتھ عربی فارسی ترکی اور کچھ یورپی زبانوں کے الفاظ بھی شامل ہیں اور جس کی قواعد میں عہد بہ عہد تصرفات اور مقامی اختلافات کے باوجود آریائی اثر غالب ہے۔ (ابتداءً ہندوی یا ہندی کے نام سے متعارف رہی۔

بَ {بَ} (فارسی)

اسے بائے مفتوحہ بھی کہتے ہیں فارسی زبان میں حرف جار ہے اور اردو میں فارسی اور عربی زبان سے ماخوذ مختلف الفاظ کے ساتھ مل کر مرکب بناتا ہے۔ اردو میں فارسی سے ماخوذ ہے اور بطور حرف مختلف حالتوں میں مختلف معانی میں مستعمل ہے جن کی نشاندہی درج ذیل ہے، اردو زبان میں پہلے 1609ء میں "قطب مشتری" میں مستعمل ملتا ہے۔

متغیّرات


بَہ {بَہ} حرفجار ( مؤنث - واحد )

فہرست

[ترمیم] معانی

1. ساتھ۔ جیسے : بخیر و عافیت (خیریت کے ساتھ)بآسانی (آسانی کے ساتھ)۔

"ہم لوگ یہاں بخیر و عافیت اور آپ کی خیر و عافیت خداوند کریم سے نیک مطلوب ہیں۔"، [1]

"چشم تامل سے مطالعہ کرنے والے مسلمان پر یہ حقیقت بآسانی آشکار ہو سکتی ہے۔"، [2]

2. میں۔ جیسے : باجلاس (اجلاس میں)بظاہر (ظاہر میں)۔

"باجلاس کونسل لکھا ہوا آرڈیننس ہے۔"، [3]

"میں نہیں کہہ سکتی کہ کیا ہوا اور کیا ہو گا، بظاہر والد تمھاری طرف مائل ہیں۔"، [4]

3. طرف، جانب۔ جیسے : روبرو (چہرے کی طرف، سامنے)رو بقبلہ (قبلے کی طرف منہ)۔

4. قسم۔ جیسے : بخدا (خدا کی قسم)؛ برب کعبہ (رب کعبہ کی قسم)۔

"واللہ آپ کا منہ کیا، ورنہ برب کعبہ اسی وقت کتے کا لہو پی لیتا۔"، [5]

؎ پوچھا اگر ان سے دل گم گشتہ کو اپنے

کس ناز سے بولے بخدا کچھ نہیں معلوم، [6]

5. مطابق، موافق۔ جیسے : بدستور (دستور کے مطابق)بقول شخصے (کسی کے قول کے مطابق)۔

"شام کو بخار ذرا ہلکا ہوا مگر پھوڑے کی تکلیف بدستور تھی۔"، [7]

"موکل نے دیکھا کہ .... معشوقہ خوامخواہ .... دوسروں کے نزدیک مریضہ سمجھی جاتی ہے اور ان کا مکنون خاطر کسی طرح پورا نہیں ہوتا، بقول شخصے کو لے کی سوداگری میں ہاتھ کالے۔"، [8]

6. سے، وجہ سے، سبب سے، غرض سے، ذریعے سے، جیسے : بپاس خاطر(خاطرداری کی غرض سے)بفضل ایزدی (خدا کے فضل سے)۔

7. توسّل سے، برکت سے۔

؎ ہوا تیری درگاہ میں باریاب

بموجب یزداں رسالت مآب، [9]

8. پر۔ جیسے : بجائے (جگہ پر)بسروچشم (سر اور آنکھوں پر)۔

"بجائے نواب مرحوم کے محمڈن کالج .... کا آنریری سیکرٹری .... بنایا جائے۔"، [10]

"جو آپ فرمائیں گے بسر و چشم قبول کروں گی۔"، [11]

9. اتصال کے لیے (تنوع، احصا، یا تسلسل و تواتر کے معنی میں) جیسے : خودبخود، دم بدم، رنگ برنگ۔

10. برابر، مساوی۔ جیسے : بقدر ضرورت (ضرورت کے مطابق)۔

"فرض کرو تم کو لڑکوں کی طرح اچھا لکھنا بھی نہ آیا تاہم بقدر ضرورت ضرور آ جائے گا۔"، [12]

11. لیے، واسطے۔ جیسے : بجنگ (جنگ کے لیے)۔

12. زائد حسن کلام کے لیے۔ جیسے : بجز، بغیر۔

"ملک کو .... رومیوں کے قبضے سے نکالنا ممکن نہ تھا، بجز اس کے کہ ملک میں قومی جوش پیدا کیا جائے۔"، [13]

؎ ہرچند ہو مشاہدۂ حق کی گفتگو

بنتی نہیں ہے بادہ و ساغر کہے بغیر، [14]

[ترمیم] انگریزی ترجمہ

with, by, for, from, in, into, to, unto, on, upon; by, with, from, in, into; near, on, according to, for, towards

[ترمیم] مرکبات

بَمَراتِب، بَمَنْزِلَہ، بَنام، بَسَبِیل، بَشَرْحِ صَدْر، بَصِیغَہ، بَطَرِیق، بَطِیبِ خاطِر، بَفَور، بَکَف، بَگوشِ دِل، بَلَطائِفُ الْحِیَل، بَخَطِّ راسْت، بَخِلاف، بَراہ، بَتَنْگ، بَچَشْم و سَر، بَاِیں لِحاظ، بَباد، بَدَسْت، بَدِل، بَدِیں، بَاِجْراء، بَاِجْلاس، بَاِجْماع، بَاَحْسَنِ وُجُوہ، بَاِعْتِبار، بَاَقْساط، بَاَلْفاظِ دِیگَر، بَاِیں، بَاِیں ہَمَہ، بَآسانی، بَآواز، بَبانْگِ دُہْل، بَپا، بَتَدْرِیج، بَتَکْرار، بَتَکَلُّف، بَجا، بَجاے، بَجائے خود، بَجَبْر و اِکْراہ، بَجُز، بَچَشْم، بَحال، بَحالی، بَحُضُور، بَحَق، بَحَیثِیَّت، بَخُدا، بَخِدْمَت، بَخُوبی، بَخوشی، بَخَیر، بَخَیر و خُوبی، بَخَیر و عافِیَت، بَخَیرِیَّت، بَدَرْجَہا، بَدَرْجَۂِ اَتَم، بَدَسْتُور، بَدَولَت، بَذاتِ خود، بَذَرِیعَہ، بَراہِ راسْت، بَرَبِّ کَعْبَہ، بَرِضا و رَغْبَت، بَرُوے، بَرُوے کار، بَزَعْمِ خود، بَزور، بَزیر، بَسَر و چَشْم، بَسُہُولَت، بَشَرْط، بَشَرْطیکِہ، بَضِد، بَطَور، بَظاہِر، بَعُنْوان، بَعِوَض، بَغَور، بَغَیر، بَفَرْضِ مَحال، بَقَدْر، بَقَلَم خود، بَقَول، بَقَیدِ حَیات، بَکَثْرَت، بَلَب، بَلِحاظ، بَمُشْکِل، بَمُوجِب، بَنِسْبَت، بَنَظَر، بَنَفْسِ نَفِیس، بَوُجُوہ، بَوَجْہ

[ترمیم] حوالہ جات

  1. ( 1929ء، تسہیل القواعد، ضمیمہ، 27 )
  2. ( 1912ء، شہید مغرب، 76 )
  3. ( 1937ء، دنیائے تبسم، 64 )
  4. ( 1912ء، شہید مغرب، 6 )
  5. ( 1915ء، سجاد حسین، حاجی بغلول، 67 )
  6. ( 1903ء، سفینۂ نوح، 76 )
  7. ( 1908ء، صبح زندگی، 211 )
  8. ( 1905ء، کایاپلٹ، 52 )
  9. ( 1898ء، دعائے بزم، 4 )
  10. ( 1908ء، مقالات حالی، 71:2 )
  11. ( 1904ء، آفتاب شجاعت، 1111:3 )
  12. ( 1968ء، مرآۃ العروس، 37 )
  13. ( 1887ء، سخندان فارس، 139:2 )
  14. ( 1869ء، غالب، دیوان، 169 )

[ترمیم] مزید دیکھیں

عرض ناشر
لغت کو ممکنہ غلطیوں سے پاک کرنے کی پوری کوشش کی گئی ہے پھر بھی انسان خطا کا پتلا ہے لغت کو مزید بہتر بنانے کے لئے یا لغت کے استعمال میں کسی بھی قسم کی دشواری کی صورت میں admin@urduencyclopedia.org سے رابطہ کریں۔
ذاتی اوزار
متغیرات
ایکشنز
رہنمائی
اوزاردان
دیگر شعبہ جات
Besucherzahler brides of ukraine
website counter